منتديات الحب الحقيقي
عزيزي الزائر / عزيزتي الزائرة يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي الحب الحقيقي
سنتشرف بتسجيلك
شكرا
ادارة المنتدي


أهلا وسهلا بك يا زائر في منتديات الحب الحقيقي
 
الرئيسيةاليوميةس .و .جبحـثالتسجيلدخولالتسجيلقوانين المنتدي

شاطر | 
 

 روائع علي سلامة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
asbya raby




انثى
رقم العضوية : 18
عدد المساهمات : 50
تاريخ التسجيل : 10/06/2009
المزاج : الحمد لله

مُساهمةموضوع: روائع علي سلامة   السبت يونيو 20, 2009 3:00 pm



كتاب القراءة
بمنتهي البراءة ...
سأليتني …
بنتي نور ....
ف أربع خمس ..
أمور …
مش ف كتاب القراءة ....
قالتلي .. بابا بابا ..
مش إنت .. يا بابا ..
بتكتب أغاني ..
وتقول أشعار ..
أنا سمعت ..
الشيخ يا بابا ...
بيقول إنك يا بابا …
ها تروح النار ...
زي الوحشين يا بابا ...
الحراميين الكفار ....
قوللي يا بابا ....
يعني إيه إستعمار ....
يعني إيه نيل ...
يعني إيه هرم ..
ومين اللي حط ...
النسر فوق العلم ...
يعني إيه يا بابا ...
إستفتاء ….
و يعني إيه إنتخاب ...
ويعني إيه حر ...
ويعني إيه نصاب….
يعني إيه إختلاس ..
ويعني إيه هجاص ..
ويعني إيه خصخصة ..
يعني إيه يا بابا ....
دستور ….
يعني إيه معارضة ..
ويعني إيه مظاهرة ..
وليه النهاردة ...
خدنا أجازة ...
م المدرسة .....
قوللي يا بابا ....
يعني إيه قهر ..
وفين …
خط الفقر ...
ويعني إيه حظ ..
ويعني إيه زهر ...
يعني إيه يا بابا ...
حريه …..
يعني إيه إنسان ..
ويعني إيه سرطان ...
يعني إيه يا بابا ...
خربوها ….
ومين دول يا بابا ..
ولاد القطقوطة ...
ومين دي ...
سمارة يا بابا ....
وإزاي يا بابا ...
ضاعت من قلبك ...
يا بابا .....
إنت معايا ....
فيه يا بابا ناس ...
بتقول كفايه ...
وفيه كمان عساكر ...
مسكين عصايا ...
وبنات متعورين ...
وتانين …
ماشين بيضحكوا ...
هما دول إسرائلين ..
يا بابا .....
ويعني إيه ...
ويعني إيه ...
قولتلها ….
نور …..
ممكن أسألك سؤال
قالتلي ….
إتفضل يا بابا ...
قلتلها ….
هيه قناة Space toon ...
رقم كام …..
وخدتها .....
عشان تنام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   السبت يونيو 20, 2009 3:32 pm


تحفة ، رائعة ، تسلم الأيادي ، ذوقك عال ، ننتظر المزيد من إبداعاتك ولمساتك الرقيقة.
( هذه الكلمات للشاعر علي سلامة)





[img][/img]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asbya raby




انثى
رقم العضوية : 18
عدد المساهمات : 50
تاريخ التسجيل : 10/06/2009
المزاج : الحمد لله

مُساهمةموضوع: رد: روائع علي سلامة   الأحد يونيو 21, 2009 6:28 pm

تسلمى يا مون وتسلم ايديك

فعلا الكلمات للرائع على سلامة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   الإثنين يونيو 22, 2009 2:56 am


يا ريت يا ( حسبي ربي ) لو عندك قصائد أخرى لنفس الشاعر تضعيها في نفس الصفحة للاستفادة ، وكل اللي يدخل يقرأ أكبر كم من أشعاره ، جزاك الله خيرا .

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   الأربعاء يونيو 24, 2009 4:22 am


خايف أصحى مالاقيش مصر
ساعات بقلق بالليل

يعني بالليل شوية كده

قبل الفجر

حسب الظروف كده

بعد العصر

خايف يوم أصحي

وأفتح الشباك

مالاقيش مصر


ألاقيها لمت هدومها ومشيت

لمت هدومها

علي نيلها

علي هرمها

وطفشت

وحلفت ميت يمين ماهي قاعدلنا

ماهي زهقت

تعبت

إتخنقت

أصلنا زودناها

أكننا استعمرناها

ورثناها


مصر البنوتة الحلوة

اللي زي القمر

بقت عجوزة وشايبة

وبان عليها الكبر


خايف يوم أصحي

وأفتح الشباك

مالاقيش مصر
للرائع علي سلامة


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   الأربعاء يونيو 24, 2009 4:25 am

هههههههههههههههههههههههههههه فعلا زي ما هيه ، عشان كده الكل طفشان منها ، سلمت الايادي بحييك مرتين الاولى : لذوقك الهايل ، والثانية : لانك كتبت اسم الشاعر ، بارك الله فيك وننتظر المزيد من لمساتك الرقيقة .



[img]
[/img]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asbya raby




انثى
رقم العضوية : 18
عدد المساهمات : 50
تاريخ التسجيل : 10/06/2009
المزاج : الحمد لله

مُساهمةموضوع: رد: روائع علي سلامة   الأربعاء يونيو 24, 2009 9:53 am

الواد ابنى ابو لسان طويل
قالى
يعنى سافرت يا بابا واتغربت
مشوار طويل
وف الاخر راجع..
ف شارع متفرع من شارع
وشقه فى الدور الرابع..
ودولار نزل طالع...
وشويا حاجات..
دكان مستنى التراخيص..
ومكنسه على خلاط
وكمبيوتر مش نافع...
من الاخر معرفتش تتصرف..
مقدرتش تقول
لاء
مش مسافر...
.....
منين الكحه دى يا بابا...
دى عمر..!!
ولابرد...
ولا سجاير..!
.....
انت عارف يا بابا انا بقالى اد ايه بستناك؟؟

ايه يا بابا
انت هاتعيط ....
ده انا كنت بهزر معاك...
كنت بهزر معاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asbya raby




انثى
رقم العضوية : 18
عدد المساهمات : 50
تاريخ التسجيل : 10/06/2009
المزاج : الحمد لله

مُساهمةموضوع: رد: روائع علي سلامة   الأربعاء يونيو 24, 2009 10:01 am

لب وسوداني........

بقول لها ..
ما تيجي نهزر ..
نجري ونلعب ..
ونكسر كل الحاجات ..
ونجيب م اللي فات ..
يومين حلوين ....
قالتلي والنبي إنت فايق ورايق ..
قولتلها ...
طب وليه نتضايق ..
إحنا لسه صغيرين ..
وأكبر عيالنا ..
يا دوب تسع سنين ..
يعني لو بنحكم مصر ..
تبقي يا دوب لفة ونص ..
مش عشرين ..
-
وطي صوتك البت بتذاكر ..
والواد مصدقت إنه نام ...
إنما إيه اللي صحي ف قلبك ..
من تاني الغرام ..
قولتلها جوايا كلمتين غزل ..
قالتلي والنبي إنت عسل ..
بس الظروف ..
-
مالها الظروف ..
فاكرة لما كنتي ..
بتحوشي م المصروف ..
جبتيلي ورد ف عيد ميلادي ..
-
وجبتلك بلوفر صوف ..
-
وجبتيلي بلوفر صوف ..
-
فاكر لما بوستني ..
وإحنا لسه مخطوبين وأبويا لاحظ ..
يالهوي كنت هموت م الكسوف
-
فاكرةأول مرة قلت لك بحبك ..
وشك إحمر ..
-
إنت اللي وشك كان مخطوف ..
-
مش إنتي كنتي بترسمي زمان ..
-
وإنت كمان كنت بتكتب شعر ..
-
هو احنا بطلنا نحس ..
-
إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..
غير معروف..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   الجمعة يونيو 26, 2009 8:24 am

اقتباس :
يعنى سافرت يا بابا واتغربت
مشوار طويل

والله صدق الواد أبو لسان طويل هههههههههههههههههههههه تسلم الأيادي وفي انتظار المزيد

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
themooooon

المشرف العام
 المشرف العام


انثى


رقم العضوية : 12
الاقامة : مصر
عدد المساهمات : 408
تاريخ التسجيل : 09/06/2009
المزاج : الحمد لله

مُساهمةموضوع: رد: روائع علي سلامة   الجمعة يونيو 26, 2009 8:29 am

اقتباس :
- هو احنا بطلنا نحس ..
-
إحنا بطلنا نشوف
...

للأسف مشكلة كتير من الأزواج والزوجات ، اللب والسوداني أفضل عندهم من المشاعر والكلمات للأسف ، بس يا خوفي اللب والسوداني سعره يغلى ومنحصلهوش هو كمان ههههههههههه
تسلم الأيادي .

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بيدو

مشرف المنتديات الأدبية
 مشرف المنتديات الأدبية


ذكر


رقم العضوية : 16
عدد المساهمات : 75
تاريخ التسجيل : 10/06/2009
المزاج : الحمد لله على كل حال

مُساهمةموضوع: رد: روائع علي سلامة   الجمعة يوليو 03, 2009 3:36 pm

تسلم ايدك حسبى رب بجد تحفة وبجد الاخيرة عجبتنى موت
اصلها بتوصف واقع الكل بيعيشة
يعنى الحال كان ايه قبل الجواز
وبقى اية بعد يادوب تسع سنين
يعني لو بنحكم مصر ..
تبقي يا دوب لفة ونص ..
مش عشرين
ههههههههههه
بجد يسلم زوقك ورقتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
روائع علي سلامة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الحب الحقيقي :: المنتديات الأدبية :: مكتبة كبار الأدباء-
انتقل الى: